3rd Year with Mina

Hi Mina;

Kung tutuusin natin, napaka bilis ng panahon. Hindi ko akalaing talong taon na pala ang nakakalipas nung maging tayo. Di ko na rin mabilang ang mga pangyayaring nagdaan sa ating buhay. Magkasama tayo sa hirap man o ginahawa, sa pag lutas ng ating mga suliranin sa buhay, sa pag-balangkas ng mga desisyong humulma sa ating hinaharap.

Sa loob ng tatlong taon, binuo natin ang pagsasamahang hindi matitinag ng kung sino man. Ang pundasyon ng pagtitiwala sa isa't isa, ang ating malayang opinyon na sa huli'y magbubunga ng pareho nating pag-ayon.

Salamat Mina, sa loob ng tatlong taong pagmamahal na walang kapalit, tatlong taong puno ng pag-aaruga at pagmamalasakit. Salamat sa pagtanggap mo sa aking anak. Salamat sa pagtanggap mo sa aking pamilya. Hindi matutumbasan ng kung sino man ang iyong ipinamalas.

At sa nalalapit nating pormal na pag-iisang dibdib, ipinapangako ko ang aking wagas na katapatan, wagas na pagmamahal na kamatayan lamang ang makakapag-hiwalay.



PS. Saan ang date natin? :) Chef Angelo kaya muna tayo? Hmmp...